Afigamli.is - Grandfather's guitar site

Bílavísur

Song composer: Holmes

„Ertu að koma?“ „Já, elskan mín góða

alveg hreint á mínútunni. Ha – ertu í nýjum bíl?

Alveg ertu ágætur,

já, agalega sætur

að ætla að bjóða mér, það er alveg hreint í stíl.

Og ef að það snjóar,

þá eru til nógar

keðjur, sem að koma okkur óhultum alla leið.

Elskan hann Dóri

minn sterki og stóri

hann stýrir svo vel, þótt gatan sé ekki greið.

Ó, þarna er hann, já flott skal það vera,

Fordinn módel 19 hundruð og ég veit ekki hvað.

Upp í hann stíg ég.

Á ástarvængjum flýg ég

upp í Mosfellssveit í ævintýraleit.

Með handtösku stóra

ég hallast að Dóra.

Æ, gormurinn í framsætinu stakk mig á versta stað.

Það er nú svona

að þreyja og vona

en þetta lagast allt, Dóri minn sér um það.

Keðjan er slitin, það skellur í bílnum.

Skríddu undir bílinn, Dóri, greyjið mitt flýttu þér.

Ó, je minn góður,

ertu alveg óður,

þarna reifstu sokkinn minn, álfurinn þinn.

Ég fer aldrei út með þér

aftur, nei það sver ég.

Ég hef aldrei á ævi minni ekið með slíkum draug.

Ó, núna springur

og í honum syngur;

á endanum hann stingst o’ní moldarhaug.“

Go back

Nothing has been written about this song.
You must be a registered user to be able to post a message