Afigamli.is - Grandfather's guitar site

Bakpokinn

Hann ljótur er á litinn

og líka er striginn slitinn,

þó bragðast vel hver bitinn

úr bakpokanum enn.

Á mörgum fjallatindi

í miklu frosti og vindi

hann var það augnayndi,

sem elska svangir menn.

Hæ, gamli pokinn góði

nú get ég þess í ljóði

að ég var mesti sóði,

sem illa fór með þig.

Ég fól þér allt að geyma,

sem ei var eftir heima,

og ekki má því gleyma,

að aldrei sveikstu mig.

Nú gríp ég gamla malinn

og glaður held á dalinn,

því óskasteinn er falinn

við Íslands hjartarót.

Ég hlýði á lækjaniðinn

og hlusta á lóukliðinn

og finn í hjarta friðinn

við fjallsins urð og grjót.

Go back

	Ingibjörg
	24.10.2006

Já skátar Já ;)

	smasismas
	16.3.2005

þetta er barasniiilldar lag og það ættu allir að fá viðlagið og syngja þetta í útileigum(skátar)