Afigamli.is - Grandfather's guitar site

ENG

Li akordan lêxin û helbestekê bistirên

Home

Song name:

Dm

C

Am

Bólivar

Song composer: Bubbi

Lyrics author: Rudyard, úr ljóðaþýðingum Magnúsar Ásgeirssonar

	Dm	C
	Karlar sjö úr	öllum áttum

	Dm	Am	Dm
	eiga	hafnar	frí.

	Dm	C
	Fullir inn á	fyrstu knæpu

	Dm	Am	Dm
	frjálsir	menn á	ný.

	C	Dm
Við	skulum drengir	drekka og slást

	C	Dm
	dreypa á stelpur	nar.

	Dm	C
	Við sem yfir	Fetlaflóa

	Dm	Am	Dm
	fleyttum	„Bóli	var“.

Rambaði hann í hvítum mekki

hrikti í nagla og ró.

Kolin uppi, laus í löðri

lestin hálf af sjó.

Lekadallur djöfuls sleði

dæmdra manna far

svona út á Fetlaflóa

flaut hann „Bólivar“.

Baksaði eins og særður sjófugl

sífellt út á hlið.

Umdi og glumdi eins og smiðja

ágjöf hverja við.

Aðeins stromp og eina siglu yfir löðrið bar.

Svona var um Fetlaflóa

að fleyta „Bólivar“.

Sjó um þilfar, kol um kjalsog

kuggsins fyllti í senn.

Skinn úr lófum, frosnir fætur

feigðartrylltir menn.

Fari hann þá sem fyrst í víti

fái hann lending þar!

Loks varð bæn á Fetlaflóa

fyrir „Bólivar“.

Aldrei hvíld – í hæsta lagi

hálfmók andartak.

Ryðnaglarnir sviptust sundur

súð og þilfar lak.

Áttavitinn elti skott sitt

eins og köttur snar.

Það var syðst á Fetlaflóa

á ferð með „Bólivar“.

Skall þá yfir skell að aftan.

Skipstjórinn hló og kvað:

„Hjólið fór til vítis vinir!

Vindurnar af stað!

Festið strax úr stýrishausnum

streng á trissurnar!“

Svona loks um Fetlaflóann

fleytt var „Bólivar“.

Eins og brenglað, beyglað, hrúgald

bik og ryð í graut

baksaði hann til Bilbaó

með bilað stýri -og flaut!

Ræflum sjö á hripið lögðu

í hinsta ferðalag.

Drottins storma tókst að trompa

og taka af Ægi slag!

Karlar sjö sem voru í víti

vappa í land á ný.

Fullir inn á fyrstu knæpu

frjálsir menn á ný.

En hvernig er með eigendurna

er eigi gleði þar?

Yfir því að heim í höfn

komst hripið „Bólivar“?

Go back

Nothing has been written about this song.
You must be a registered user to be able to post a message