Close
With pictures of chords Without chords Add this song to My favourites Printable version
View chords

Fylgd

Song composer: Sigurður Rúnar Jónsson
Lyrics author: Guðmundur Böðvarsson


F Fmaj7 
Komdu litli ljúfur,
F F7 
labbi, pabba stúfur,
Gm Gm7 
látum draumsins dúfur
C F 
dvelja inni' um sinn,
Em A D D7 
- heiður er himininn. 
           Gm C 
            Blærinn faðmar bæinn,
           Fmaj7 D 
            býður út í daginn.
           Gm7 C F F7 
            Komdu, Kalli minn. 
 
Göngum upp með ánni,
inn hjá mosaflánni,
fram með gljúfragjánni,
gegnum móans lyng,
- heyrirðu hvað ég syng,- 
            líkt og lambamóðir
            leiti' á fornar slóðir
            innst í hlíðahring.
 
Héðan sérðu hafið,
hvítum ljóma vafið,
það á geymt og grafið
gull og perluskel,
ef þú veiðir vel.
            En frammi á fjöllum háum,
            fjarri sævi bláum,
            sefur gamalt sel.
 
Glitrar grund og vangur,
glóir sund og drangur.
Litli ferðalangur
láttu vakna nú
þína tryggð og trú.
            - Lind í lautu streymir,
            lyng á heiði dreymir,
            þetta land átt þú.
Hér bjó afi' og amma
eins og pabbi' og mamma.
Eina ævi skamma
eignast hver um sig,
- stundum þröngan stig.
            En þú átt að muna
            alla tilveruna
            að þetta land á þig.
 
Ef að illar vættir
inn um myrkragættir
bjóða svika sættir,
svo sem löngum ber
við í heimi hér,
            þá er ei þörf að velja:
            Þú mátt aldrei selja
            það úr hendi þér.
 
Göngum langar leiðir,
landið faðminn breiðir.
Allar götur greiðir
gamla landið mitt,
sýnir hjarta sitt.
            Mundu, mömmu ljúfur,
            mundu, pabba stúfur,
            að þetta er landið þitt



    Go back
Nothing has been written about this song.
You must be a registered user to be able to post a message